لە هەرێمی کوردستان مادەی هۆشبەر بەرهەم دەهێنرێت؟

ئاڤا نیوز

 

ئەفسەرێکی بەڕێوەبەرایەتیی گشتیی نەهێشتنی مادە هۆشبەرەکان ڕایدەگەیێنێت، هیچ مادەیەکی هۆشبەر لە هەرێمی کوردستان بەرهەم ناهێنرێت و ڕێگە بەو کارە نەدراوە.

 

لێدوانی فەرمی: نەقیب ئەرکان عومەر،  ئەفسەر لە بەڕێوەبەرایەتی گشتی نەهێشتنی ماددە هۆشبەرەکان بە ئاڤا نیوزی گوت: حکومەتی هەرێمی کوردستان  لە پارێزگای هەولێر، سلێمانی و دهۆک کار دەکات بۆ دروستکردنی سەنتەری شیاندنەوە بۆ چارەسەری ئەو کەسانەی ئالوودەی مادەی هۆشبەر بوونە.

 

ژمارەکان وادەڵێن: لە شەش مانگی ئەمساڵدا 737 کەس بە تۆمەتی بەکارهێنان و بازرگانی کردن بە مادە هۆشبەرەکان دەستگیرکراون و دەست بەسەر 107 کلیۆگرام مادەی هۆشبەر 28 هەزار و 953 شریت حەبی پزیشکی هۆشبەر گیراوە

 

ئەمەش بزانە: لە هەرێمی کوردستان، بەربڵاوترین و مەترسیدارترین جۆری مادەی هۆشبەر جۆری کریستاڵ و حەپی کەپتاگۆنە.