لە هەرێمی كوردستان سندوق بۆ دەنگدەرانی ئێرانی دادەنرێت

ئاڤا نیوز

لە هەرێمی کوردستان ئامادەکاری بۆ دەنگدەرانی ئێران دەكرێت، زیندانیانیش بێ بەش نابن لەدەنگدان بۆ هەڵبژاردنی سەرۆککۆماری ئێران.

وێنە گەورەکە: سبەی هەینی 28-6-2024 چواردەیەمین خولی هەڵبژاردنی سەرۆککۆماری ئێران بەڕێوەدەچێت، لە پارێزگای هەولێر و دهۆک چوار سندوق بۆ دەنگدەرانی ئێرانی دانراوە. 

لێدوانی فەرمی:"نەسڕوڵڵا ڕەشنوودی، کۆنسوڵی ئێران لە هەولێر بە ئاڤا نیوزی گوت: "دوو سندوق لە هەولێر سندوقێک لە قەزای  سۆران، سندوقێکیش لە دهۆک، بۆ دەنگدەرانی ئێرانی دانراوە، تەنیا سندقی ناو کۆنسۆڵخانەی ئێران لە هەولێر جێگیرە سندوقەکانی دیکە بەپێی شوێنی نیشەجێبوونی ئێرانیەکان جێگۆڕێکێی پێدەکرێت".

 

زانیاریی زیاتر: گەشتیاران و ئەو ئێرانیانەی مافی مانەوەیان لە هەرێمی کوردستان پێدراوە دەتوانن دەنگبدەن، زیندانیانی  ژن و پیاو بێ بەش نابن لەدەنگدان". کۆنسوڵی ئێران لە هەولێر ئەمەشی گوت.