کۆڕبەندێکی گەورەی ئابووری لە هەولێر دەکرێت

ئاڤا دیجیتاڵ

 

کۆڕبەندی ئابووری، بازرگانی و وەبەرهێنان لەنێوان بازرگانان و وەبەرهێنەرانی هەرێمی کوردستان و وڵاتی قەتەر لە هەولێر دەکرێت. 

 

وێنە گەورەکە: لە چوارچێوەی بەشداریکردنی سەرۆکوەزیران بارزانی لە کۆڕبەندی ئابووریی جیهان و کۆبوونەوەکانی لە ماڵی کوردستان لە داڤۆس  لەگەڵ شاندی قەتەری بڕیار درا، شاندێکی وەبەرهێنەرانی قەتەری سەردانی هەرێمی کوردستان بکەن. 

 
بۆچی گرنگە: ئەو کۆڕبەندە "کاریگەریی زۆری" لەسەر ئابووریی هەرێمی کوردستان دەبێت، هاتنی وڵاتی قەتەر و وڵاتانی دیکەی کەنداو بۆ هەرێمی کوردستان متمانەی زیاتر دروست دەکات کە هەرێمی کوردستان شوێنێکی گونجاوە بۆ وەبەرهێنان و کاری بازرگانی. 

 

لێدوانی فەرمی: د. محەممەد شوکری، سەرۆکی دەستەی وەبەرهێنان بە ئاڤا نیوزی ڕاگەیاند: "وەک دەستەی وەبەرهێنان لەگەڵ لایەنە پەیوەندیدارەکان بەتایبەت نووسینگەی سەرۆکوەزیران ئامادەکاری باش دەکەین بۆ ئەوەی کۆڕبەندەکە بەسەرکەوتوویی بکرێت و چەند دەرفەتێکی باش ڕابگەیەنرێت و ڕێککەوتنی لەسەر بکرێت. 

 

باکگراوند: ئەمساڵ بۆ یەکەمجار ماڵی کوردستان لە داڤۆس کرایەوە؛ کۆبوونەوەکانی سەرۆکوەزیران بارزانی لە چوارچێوەی بەشداریکردنی لە کۆڕبەندی ئابووریی جیهان لە داڤۆس دەرگایەکی نوێی هەماهەنگی و هاوکاریی زیاتری ئابووری دروست دەبێت.