بڕیاری دامەزراندنی 500 کەس لە هەڵەبجە دەچێتە بواری جێبەجێکردن

ئاڤا نیوز

پارێزگاری هەڵەبجە ڕایدەگەیێنێت، بەشێک لەو پڕۆژانەی لە سەردانی ڕابردووی سەرۆکوەزیران بارزانی بڕیاریان لێدراوە لە قۆناغی جێبەجێکردندان، یەکێک لەوان دامەزراندنی 500 کەس بوو.

وێنە گەورەکە: لە ماوەی چوار مانگدا سەرۆکوەزیران بارزانی بۆ دووەمجار سەردانی پارێزگای هەڵەبجە دەکات، لە سەردانی ڕابردوویدا لە 22-2-2024 کۆمەڵێک بڕیار و پرۆژەی گرنگی پێشکەشی پارێزگاکە کرد، یەکێک لەوان دامەزراندنی 500 کەس بوو بە گرێبەست، ئەمڕۆش بەردی بناغەی سایلۆی پارێزگاکە دادەنێت.

 

لێدوانی فەرمی: ئازاد تۆفیق، پارێزگاری هەڵەبجە بە ئاڤا نیوزی گوت، "دوو سەردانی سەرۆکی حکومەت هێمای هەنگاونان بۆ ئاوەدانی و دەستی خزمەتگوزارییە، بەشێکی ئەو پڕۆژانەی لە سەردانی ڕابردوویدا بڕیاریان لێ دراوە لە قۆناغی جێبەجێکردندان."

زانیاریی زیاتر: بەگوتەی پارێزگاری هەڵەبجە، تاوەکو 40 ڕۆژی دیکە 500 گەنجی هەڵەبجە دادەمەزرێن و ڕێکارەکانی دامەزراندنیان دەستیپێکردووە.

لەلایەکی دیکەوە: بودجەیەک لە داهاتی دەروازەکانی  تەوێڵە و بەمۆ بۆ پڕۆژە خزمەتگوزارییەکانی شاری هەڵەبجە تەرخانکراوە.