پارێزگاری هەڵەبجە: بۆ مێژوو شایەتی بۆ سەرۆکوەزیران بارزانی دەدەم

ئاڤا  نیوز

 

پارێزگاری هەڵەبجە لە مەراسیمی دانانی بەردی بناغەی سایلۆی هەڵەبجە  ڕایگەیاند، پرۆژەکە گرنگە و کەلێنێکی گەورە پڕدەکاتەوە.

 

بۆچی گرنگە: ساڵانە جووتیارانی سنووری پارێزگای هەڵەبجە بەهۆی نەبوونی سایلۆ بەشێک لە بەرهەم و گەنمەکەیان تێکدەچوو، بەڵام دروستکردنی سایلۆکە خزمەتێکی گەورە بە جووتیارانی ناوچەکە دەکات لە پاراستن و ساغکردنەوەی.

 

لێدوانی فەرمی: ئازاد تۆفیق، پارێزگاری هەڵەبجە لە ڕێورەسمی دانانی بەردی بناغەی سایلۆکە ڕایگەیاند: "نۆ داواكاری و یاداشتمان خستە بەردەستی سەرۆكوەزیران بارزانی، بۆ مێژوو دەڵێم نۆ نا، 20 داواكاریش بووان  بۆی جێبەجێ دەكردین".

 

ژمارەکان وادەڵێن: سایلۆکە لەسەر ڕووبەری زیاتر لە 50 دۆنم زەوی بە تێچووی نزیکەی 25 ملیار دینار دروست دەکرێت، وادەی تەواوکردنی 700 ڕۆژە و توانای کۆگاکردنی 40 هەزار تۆن گەنمی هەیە.