هەلی کار بۆ دەرچووانی ڕێبەری گەشتیاریی ڕادەگەیێنرێت

ئاڤا نیوز

 

سێ هەزار و 500 هەلی کار بۆ دەرچووانی بەشی ڕێبەری گەشتیاری ڕادەگەیێنرێت و لە سلێمانیش خولی ڕاهێنانیان بۆ کراوەتەوە.

 

بۆچی گرنگە: دەرفەتی کار بۆ ژمارەیەک دەرچوو دەرەخسێنێت و کارئاسانی زیاتر بۆ ناوچە گەشتیارییەکان و گەشتیاران دەکات.

 

لێدوانی فەرمی: سیروان تۆفیق، بەڕێوەبەری بەبازاڕکردن لە دەستەی گەشتوگوزاریی هەرێمی کوردستان بە ئاڤا نیوزی گوت: لە هەموو هەرێمی کوردستان زیاتر لە سێ هەزار و 500 هەلی کار ڕاگەیێنراوە لە کەرتی تایبەت بۆ دەرچووانی بەشی گەشتیاری.

 

ئەمەش بزانە: تاوەکو ئێستا زۆرترین ڕێژەی لە خولەکە لە هەولێر تۆمارکراوە، دوای ئەو دهۆک و سلێمانییە.

 

ئەوەی پێویستە بیزانیت: خوازیار بەم مەرجانەی خوارەوە دەتوانێت بەشداری بکات:
-    جگە لە زمانی کوردی دەبێت زمانێکی دیکە بزانیت
-    دەبێت دانیشتووی کوردستان بێت و کورد بێت
-    دەبێت ئارەزووی بۆ ئەم کارەکە هەبێت
-    پێوستە هیچ کارێکی دیکەی نەبێت