ڕێکارە کارگێڕی و یاساییەکانی هەژماری من لە سلێمانی بەرەوپێشچووە

ئاڤا نیوز 

پارێزگاری سلێمانی ڕایگەیاند، ئەو ڕێکار و ڕێنماییانەی لەسەر "هەژماری من"، لە ئەنجوومەنی وەزیرانەوە هاتووە، بە هەموو لایەنە پەیوەندیدارەکانمان گەیاندووە.

وێنە گەورەکە: حکومەتی هەرێمی کوردستان مەبەستیەتی هاوشێوەی وڵاتانی دونیا کەمترین مامەڵە بە پارەی کاشەوە بکرێت، بۆیە لە ڕێگەی پرۆژەی هەژماری منەوە دەستی بە دیجیتاڵیکردنی پرۆسەی پێدانی مووچە بە زیاتر لە ملیۆنێک فەرمانبەر کردووە.

لێدوانی فەرمی: د.هەڤاڵ ئەبوبەکر، پارێزگاری سلێمانی بە ئاڤا نیوزی گوت: سەرۆکوەزیران بارزانی "پرۆژەی هەژماری من"ی وەک هەنگاوێک بۆ ئابوورییەکی جێگیر لەسەر بنەمایەکی شەفاف باسکرد.

لە لایەکی دیکەوە: هەڤاڵ ئەبوبەکر، گوتی: ئەو ڕێکار و ڕێنمایانەی لە ئەنجوومەنی وەزیرانەوە هاتووە، بە هەموو لایەنە پەیوەندیدارەکانمان گەیاندووە، ئەوەی پەیوەندی بە ڕێکاری کارگێری و یاساییشەوە هەبێت کارەکان چونەتە پێشەوە.