داوای تێکەڵکردنی حەشدی شەعبی بە دامەزراوەکانی دەوڵەت دەکرێت

ئاڤا نیوز  

جێگری سەرۆکوەزیرانی پێشووی عێراق، بە پێویستی دەزانێت هێزەکانی حەشدی شەعبی تێکەڵ بە دامەزراوەکانی دەوڵەت بکرێن، تا کاریگەریی لایەنە سیاسییەکانیان بەسەرەوە نەمێنێت.

بۆچی گرنگە: بە تێکەڵکردنەوەی ئەو هێزانە بە دامەزراوەکانی دەوڵەت، ڕەنگە ئەو مەترسییانە کەم ببێتەوە کە لە ئەنجامی هەڕەشەی ئەو گرووپانە بۆسەر عێراقی دروست دەکەن.

لێدوانی فەرمی: بەها ئەعرەجی، لە میانی دیدارێکی تەلەڤزیۆنی لەگەڵ میدیای عێراقی ڕایگەیاند: 90٪ی لایەنەکانی حەشدی شەعبی سەر بە حیزب و لایەنە سیاسییەکانن، لایەنگریان بۆ ئەو حیزبانە کاریگەری لەسەر ڕۆڵ و بڕیارەکانیان هەیە.

چارەسەرەکان: بە یەکخستن و تێکەڵکردنیان بە دامەزراوەکانی دەوڵەت، کۆتایی بەو لایەنگرییە دەهێنرێت کە ئەو هێزانە هەیانە.

ئەوەی پێویستە بیزانیت: دوابەدوای هاتنی داعش و کۆنترۆڵکردنی بەشێکی زۆری خاکی عێراق لە ساڵی 2014، بە فەتوای عەلی سیستانی، مەرجەعی باڵای شیعەکان لە عێراق، حەشدی شەعبی دامەزرا.