دوو تەقینەوەی یەک لەدوای یەک لە پاکستان ڕوویدا

ئاڤا دیجیتاڵ

 

دوو تەقینەوەی یەک لەدوای یەک لە پاکستان ڕوویاندا؛ بەپێی زانیارییە سەرەتاییەکان 22 کەس گیانیان لەدەستداوە و زیاتر لە 40 کەسی دیکەش برینداربوونە. 

 

چی ڕوویدا؟ ئەمڕۆ چوارشەممە لە پاکستان پرۆسەی هەڵبژاردن بەڕێوەدەچێت و هاووڵاتییان سەردانی بنکەکانی دەنگدان دەکەن. لە دوو شوێنی جیاوازی هەرێمی بەلووچستان، دوو تەقینەوەی یەک لەدوای یەک ڕوویاندا و دەیان قوربانی لێکەوتووە.  

 

لێدوانی فەرمی: هەر دوای تەقینەوەکان، پۆلیسی پاکستان گەیشتە شوێنی مەبەست و ڕایگەیاند: "کۆنترۆلێ هەردوو شوێنی تەقینەوەکانیان کردووە".

 

زانیاریی زیاتر: تەقینەوەی یەکەم لەبەردەم نووسینگەی بەربژێرێکی سیاسی و تەقینەوەی دووەم لەنزیک ئۆفیسەکانی پارتێکی سیاسیی پاکستان بووە لە ناوچەی قیشین لە هەرێمی بەلووچستان. بەپێی زانیارییەکان لە تەقینەوەی یەکەم 12 کەس و لە تەقینەوەی دووەمیش 10 کەس گیانیان لەدەستداوە، زیاتر لە 40 کەسیش برینداربوونە.