کۆریای باکوور دوو مووشەکی بالیستی تاقی کردەوە

ئاڤا نیوز

کۆریای باشوور ڕایگەیاند، کۆریای باکوور دوو مووشەکی بالیستی لە کەناراوەکانی ڕۆژهەڵاتی تاقی کردووەتەوە. 

وێنە گەورەکە: هەفتەی ڕابردوو کۆریای باشوور، ژاپۆن و ئەمریکا مانۆڕێکی سەربازیی هاوبەشیان ئەنجام دا کە نیگەرانیی کۆریای باکووری لێکەوتەوە.

ڕاگەیێنراوی فەرمی: لە ڕاگەیێنراوێکی سوپای کۆریای باشووردا هاتووە: یەکێک لە مووشەکەکان کورتمەودا بووە و جۆری مووشەکی دووەمیش نەزانراوە. 

زانیاریی زیاتر: کۆریای باکوور پێشتر ڕایگەیاندبوو مووشەکێکی بە سەرکەوتوویی تاقی کردووەتەوە کە دەتوانێت چەندین کڵاوەی جەنگیی هەڵبگرێت، بەڵام کۆریای باشوور ڕایگەیاند بوو کە مووشەکەکەی کۆریای باکوور لە ئاسماندا تەقیوەتەوە.