لە مەکسیک تەرمی 37 کەس دۆزرایەوە

ئاڤا نیوز

دوو باندی بازرگانی کردن بە ماددە هۆشبەرەکان لە مەکیسک بوو بەشەڕیان، بەهۆیەوە 19 کەس کوژران و چەندین کەسی دیکە برینداربوون، تەرمی چەندین کەسی دیکەش دۆزرایەوە.

وێنە گەورەکە: لە باشووری مەکسیک و بەدیاریکراوی لە ناوچەی تاباسکۆ، کە دەکەوێتە سنووری باشووری وڵاتەکەوە بەهۆی دەمەقاڵێکردن لەسەر ماددەی هۆشبەر، دوو گرووپی چەکداری بازرگانی ماددەی هۆشبەر بوو بەشەڕیان و چەندین کەسیان لە یەکتر کوشت.

لێدوانی فەرمی: پۆلیسی پاسکۆ بە میدیاکانی وڵاتەکەی ڕاگەیاند:" 19کەس لەو ڕووبەڕووبوونەوانەدا گیانیان لە دەستداوە، لەلایەکی دیکەوە تەرمی 14 کەس دۆزراونەتەوە کە گولە نراوە بەسەریانەوە و تەرمی پێنج کەسی دیکە لە چەند ناوچەیەکی جیاواز دۆزراونەتەوە".

ئەوەی پێویستە بیزانیت: لە ساڵی 2006ەوە سەرۆکی مەکسیک هەڵمەتێکی دژی باندەکانی ماددەی هۆشبەر ڕاگەیاندووە، لەماوەی 17 ساڵی ڕابردوودا نزیکەی 200 هەزار کەس لە شەڕو ڕووبەڕووبوونەوەکانی مەکسیکدا گیانیان لە دەستداوە.