شەش کەس خۆیان بۆ پۆستی قایمقامی شنگال بەربژێر دەکەن

ئاڤا نیوز

کۆبوونەوەی ئەنجوومەنی پارێزگای نەینەوا بۆ هەڵبژاردنی قایمقامی شنگال دەکرێت، بەڵام قایمقام هەڵنابژێردرێت.

وێنە گەورەکە: ئێوارەی ئەمڕۆ 02-07-2024 کاتژمێر پێنج، ئەنجوومەنی پارێزگای نەینەوا کۆدەبێتەوە بەمەبەستی هەڵبژاردنی قایمقامی قەزای شنگال، لە کاتێکدا دوو ساڵە ئەو قەزایە بێ قایمقامە.

ئەوەی پێویستە بیزانیت: هەر شەش بەربژێرەکە کوردی ئێزدین و لایەنە براوەکانی ئەو پارێزگایە بەسەربەربژێرەکاندا دابەش بوون کە پێکهاتوون لە:

کەمال ناسڕ یوسف – بەڕێوەبەری قوتابخانەی شاریا
داود جوندی سلێمان – ئەندامی پێشووتری ئەنجوومەنی پارێزگای نەینەوا.
خدر ئەلیاس شڤان – سەرپەرشتیار لە پەروەردە.
سەیدۆ خەیری ئەحمەد – بەڕێوەبەری قوتابخانەی ئامادەیی.
ئیزەددین ڕەشۆ سەقت – نەخۆشخانەی سنوونێ.
عوبێد ڕەشۆ داوس – جێگری بەڕێوەبەری قوتابخانەی دهۆلا.

ئەمەش بزانە: یەکێتیی و چوارچێوەی هەماهەنگی پشتگیری داود جوندی سلێمان و پارتیش دەیەوێ خدر ئەلیاس ببێت بە قایمقامی شنگال.

ئەوەی پێشبینی دەکرێت: چاوەڕواندەکرێت ئەمڕۆ ڕێژەی یاسایی ئەنجوومەنی پارێزگای نەینەوا تەواونەبێت و  قایمقام هەڵنەبژێردرێت.