دادگەی فیدراڵی بڕیاری دا: هەژماری من یاساییە

ئاڤا نیوز

دادگەی فیدراڵی عێراق لە وەڵامی نووسراوێکی سەرۆکوەزیران بارزانی ڕایدەگەیێنێت، پرۆسەی "هەژماری من" یاساییە و ئەو بانکانەی لە پرۆسەکەدا بەشدارن دانپێدانراون و کێشەیان نییە.

نووسراوی فەرمی: جاسم محەمەد عەبوود، سەرۆکی دادگەی فیدراڵی لە نووسراوێکدا کە ڕۆژی 7/1 ئاراستەی سەرۆکوەزیران مەسرور بارزانی کردووە، ئاماژەی بەوە داوە بەپێی بڕیاری دادگای فیدراڵی، پرۆسەی بەبانکیکردن هەموو بانکە حکومییەکان و هەموو ئەو بانکانە دەگرێتەوە کە لەلایەن بانکیی ناوەندیی عێراقەوە ڕەزامەندییان لەسەر دراوە.

زانیاریی زیاتر: نووسراوەکەی دادگەی فیدراڵی ئاماژەی بە لیستێکی هاوپێچی بانکیی ناوەندی عێراق کردووە کە ناوی 66 بانکی تێدایە و بانکەکان لە عێراق و هەرێمی کوردستان کار دەکەن، بەو بانکانەشەوە کە لە پرۆسەی ( هەژماری من)دا بەشدارن.

باکگراوند: تاوەکو ئێستا 400 هەزار مووچەخۆر لەڕێگەی هەشت بانکەوە پڕۆژەی "هەژماری من" تۆمارکراون، 220 هەزار کارتیش بە مووچەخۆران دراونەتەوە و پرۆسەکەش بەردەوامە.