حکومەتی هەرێمی کوردستان پێشوازی لە نووسراوێکی دادگەی فیدراڵی دەکات

ئاڤا نیوز

 

دادگەی فیدراڵیی عێراق لە وەڵامی نووسراوێکی سەرۆکوەزیران بارزانی ڕایدەگەیێنێت، پڕۆژەی هەژماری من یاساییە، حکومەتی هەرێمی کوردستان پێشوازی لە نووسراوی سەرۆکی دادگەکە دەکات.

 

ڕاگەیێنراوی فەرمی: حکومەتی هەرێمی کوردستان پێشوازی لە نووسراوی سەرۆکی دادگەی فیدراڵی دەکات کە وەڵامی نووسراوێکی سەرۆکوەزیران بارزانی داوەتەوە کە مووچەخۆرانی هەرێمی کوردستانیش وەک هەموو مووچەخۆرانی ناوچەکانی دیکەی عێراق، ئازادن لە بەبانکیکردنی مووچەکانیان لە بانکی حکومی یان تایبەت لە چوارچێوەی ئەو بانکانەی بەشدارن لە پرۆسەکەدا. 

 

خاڵی ئەرێنی: ئەم نووسراوەی دادگەی فیدراڵی، هەنگاوێکی باش و دادپەروەرانەیە و مووچەخۆران ئازاد و سەرپشک دەکات لە هەڵبژاردنی بانکەکانیان.

 

ئەوەی پێویستە بیزانیت: پێویستە بانکەکانی بەشدار لە پرۆژەی (هەژماری من) هەر لە چوارچێوەی ئەم ڕێنماییانەدا، درێژە بە پرۆسەکە بدەن و تاوەکو کۆتایی ئەمساڵ هەموو مووچەخۆرانی هەرێمی کوردستان لەم پرۆسەیە تۆمار بکرێن.

 

باکگراوند: تاوەکو ئێستا 400 هەزار مووچەخۆر لەڕێگەی هەشت بانکەوە پڕۆژەی "هەژماری من" تۆمارکراون، 220 هەزار کارتیش بە مووچەخۆران دراونەتەوە و پرۆسەکەش بەردەوامە.