باڵیۆزی ڕووسیا بۆ سەرۆک بارزانی: پاڵپشتیی باشتربوونی پەیوەندییەکانی هەولێر و بەغدا دەکەین

ئاڤا نیوز

 

دوای کۆبوونەوەی لەگەڵ سەرۆک بارزانی، باڵیۆزی ڕووسیا ڕایگەیاند، پاڵپشتیی باشتربوونی پەیوەندییەکانی هەولێر و بەغدا دەکەین

 

وێنە گەورەکە: دوای شەش ساڵ، ڕۆژی چوارشەممە 3-7-2024 سەرۆک بارزانی سەردانی بەغدای کرد و بڕیارە زنجیرەیەک کۆبوونەوەی لەگەڵ سەرکردە سیاسییەکان و بەرپرسانی باڵای عێراق هەبێت.

 

ڕاگەیێنراوی فەرمی: بەگوێرەی ڕاگەیێنراوی بارەگای بارزانی، لە کۆبوونەوەکەدا بیروڕا لەبارەی پەیوەندییەکانی هەولێر و بەغدا و بارودۆخی سیاسیی عێراق تاوتوێ کرا؛ سەرۆک بارزانی هۆکار و پاڵنەرەکانی سەردانەکەی بۆ بەغدا و دیداری لەگەڵ لایەنە سیاسیەکانی عێراق و بوونی نیەتی چارەسەرکردنی کێشەکان خستەڕوو.

 

لەلایەکی دیکەوە: باڵیۆزی ڕووسیا لە عێراق ڕایگەیاند، وڵاتەکەی پاڵپشتی له‌ سەقامگیریی عێراق و باشتربوونی پەیوەندییەکانی نێوان هەرێمی کوردستان و عێراق دەکات.