فه‌ره‌نسا به‌بایه‌خه‌وه‌ له‌ سه‌ردانه‌كه‌ی سەرۆک بارزانی بۆ بەغدا ده‌ڕوانێت

ئاڤا نیوز

 

سەرۆک بارزانی لە بەغدا پێشوازی لە پاتریک دوریل، باڵیۆزی فەرەنسا لە عێراق کرد و لەبارەی کێشە و گرفتەکانەوە گفتوگۆیان کرد.

 

وێنە گەورەکە: دوای شەش ساڵ، ڕۆژی چوارشەممە 3-7-2024 سەرۆک بارزانی سەردانی بەغدای کرد و بڕیارە زنجیرەیەک کۆبوونەوەی لەگەڵ سەرکردە سیاسییەکان و بەرپرسانی باڵای عێراق هەبێت.

 

ڕاگەیێنراوی فەرمی: بەگوێرەی ڕاگەیێنراوی بارەگای بارزانی، لە دیدارەکەدا سەرۆک بارزانی وێڕای ئاماژەدان بە کێشە و گرفتە سیاسییەکانی عێراق، هۆکاری سەردانەکەی بۆ بەغدا و دیداری لەگەڵ لایەنە سیاسیەکانی عێراق ڕوون کردووەتەوە.

 

لەلایەکی دیکەوە: باڵیۆزی فەرەنسا بەبایەخەوە باسی سەردانه‌كه‌ی سەرۆک بارزانی کرد بۆ بەغدا و پێشوازی لە دیاریکردنی کاتی بەڕێوەچوونی هەڵبژاردنەکانی هەرێمی کوردستانیش کرد، هەروەها پشتیوانیی وڵاتەکەی لە باشتربوونی پەیوەندییەکانی نێوان هەرێمی کوردستان و عێراق دەربڕی.