ئەنجوومەنی وەزیران لەبارەی دابەشکردنی زەوی وەزارەت و دەستەکان ئاگادار دەکاتەوە

ئاڤا نیوز

ئەنجوومەنی وەزیرانی هەرێمی کوردستان داوا لە سەرجەم وەزارەت و دەستەکانت دەکات بەزووترین کات فۆرمی دابەشکردنی زەوییان بۆ بنێرن.

وێنە گەورەکە: دوای 18 ساڵ پڕۆسەی دابەشکردنی زەوی دەستی پێکردووەتەوە و نزیکەی 200 هەزار فەرمانبەر دەگرێتەوە، نزیکەی سێ مانگیشە دابەشکردنی فۆرم بەسەر وەزارەت و فەرمانگەکان دەستیپێکردووە.

لێدوانی فەرمی: سەربەست مەولود، بەڕێوەبەری گشتیی کاروباری یاسایی لە وەزارەتی شارەوانی بە ئاڤا نیوزی گوت: "ئەنجوومەنی وەزیران سەرجەم وەزارەت، فەرمانگە و دەستەکانی ئاگادارکردووەتەوە بەزووترین کات فۆرمی زانیاری بۆ وەرگرتنی زەوی و بەڵێننامە هاوپێچی لیستی فەرمانبەران بکرێت و  بۆ ئەنجوومەنی وەزیران بنێردرێت."

 

لەلایەکی دیکەوە: بەڕێوەبەرایەتیی گشتیی تەندروستی هەولێر ئەمڕۆ ئاگادارییەکی بڵاوکردەوە و داوای لە فەرمانگەکانی  کرد  لە ماوەی یەک هەفتەدا  لیست و فۆرمی فەرمانبەران کە مەرجەکانی وەرگرتنی زەوی دەیانگرێتەوە بۆیان ڕەوانە بکەن.

 

ئەوەی پێویستە بیزانیت: هەر فەرمانبەرێک یان خانەنشینێک بە درێژایی ڕاژەکەی زەوی وەرنەگرتبێت سوودمەند دەبێت، بەپێچەوانەوە ئەگەر فۆرم پڕبکاتەوە و زەوی پێبدرێت، لە ئەگەری ئاشکرابوونی سزا دەدرێت بە زیندانیکردن کە لە شەش مانگ کەمتر نەبێت و لە دووساڵ زیاتر نەبێت، هەروەها سزای دارایی سێ ملیۆن دینار دەدرێت، ئەو زەویەشی وەریگرتووە لێ دەسەنرێتەوە.