مەسعود پزیشكیان كەی دەستبەكار دەبێت؟

ئاڤا نیوز

مەسعود پزیشکیان، وەک سەرۆککۆماری ئێران دەستبەکار بێت و دەست لە ئەندامیەتی پەرلەمان دەکێشێتەوە.

وێنە گەورەکە: مەسعود پزشکیان بە بەدستهێنانی زیاتر لە 16 ملیۆن دەنگ لە هەڵبژاردنەکاندا پۆستی سەرۆککۆماری ئێرانی بردەوە.

لێدوانی فەرمی: عەلیڕەزا سەلیمی، گوتەبێژی دەستەی سەرۆکایەتیی پەرلەمانی ئێران، ڕایگەیاند: لە (21-7-2024 تاوەکو 21-8-2024) سەرۆککۆماری هەڵبژێردراوەی ئێران سوێندی یاسایی دەخوات و دەستبەکار بێت. 

زانیاریی زیاتر: بەر لە سوێندخواردن و دەستبەکار بوون، پێویستە فەرمانی دانانی سەرۆککۆمار لەلایەن ڕێبەری باڵای ئێرانەوە دەر بکرێت، بەر لەمانەش لە کۆبوونەوەیەکی پەرلەماندا دەستلەکارکێشانەوە پێشکەشی پەرلەمان دەکات.