بەشێکی دیکەی پارەی گەنمی جووتیاران دابەش دەکرێت

ئاڤا نیوز

 

بەشێکی دیکەی پارەی گەنمی جووتیاران گەیشت و دەست بە دابەشکردنی چەکی پارەکە دەکرێت.

 

ڕاگەیێنراوی فەرمی: سایلۆی سلێمانی بڵاوی كردەوە کە سبەی دووشەممە، بەشێكی پارەی گەنمی جووتیاران کە 60 ملیار دینارە، بەسەر جووتیاران دابەش دەكرێت.

 

زانیاریی زیاتر: ئەو جووتیارانەی گەنمیان ڕادەستی سایلۆ كردووە، تاوەکو پسوولەی ژمارە 289 سبەی دووشەممە 8-7-2024 چەكی پارەكانیان پێ دەدرێت.

 

ئەوەی پێویستە بیزانیت: دەبێت جووتیاران بۆ وەرگرتنی چەک و پارە سەردانی بەشی ژمێریاریی بەرێوەبەرایەتیی سایلۆکان بكەن، هەرچەندە ئەمڕۆ پشووی فەرمی بوو، بەڵام چەکی پارەی گەنمی جووتیاران لە سایلۆی هەولێر دابەش كرا.