ئاڤا نیوز زانیاری لەسەر دروستکردنی جووتسایدی خورماتوو-کفری ئاشکرا دەکات

ئاڤا نیوز 

قایمقامی خورماتوو ڕایگەیاند، لیژنەیەکی ئەنجوومەنی وەزیرانی عێراق بۆ هەڵسەنگاندنی خێرا بۆ شەقامی جووتسایدی خورماتوو-کفری ڕاسپێردراون.

وێنە گەورەکە: شەقامی یەکسایدی نێوان خورماتوو-کفری بەهۆی خراپی و تێکچوونیەوە، ڕۆژانە ڕووداوی هاتووچۆی تێدا ڕوودەدات، ئەمە سەرەڕای ئەوەی ڕێگایەکی بازرگانیی خێرایە لەنێوان شارەکانی ئیدارەی گەرمیان و کەرکووک و بەغدا.

لێدوانی فەرمی: د.حەسەن زەینلعابدی، قایمقامی دوز خورماتوو، بە ئاڤا نیوزی گوت: دوو ساڵە لەگەڵ حکومەتی عێراق لەسەر هێڵم بۆ دروستکردنی شەقامی خورماتوو-کفری، پێش دوو ڕۆژ لە ئەنجوومەنی وەزیرانەوە پەیوەندیان پێوەکردم، تیمێک بۆ هەڵسەنگاندنی خێرای شەقامەکە دەنێرن، بۆ ئەوەی ڕاپۆرتی لەو بارەیەوە بۆ سەرووی خۆیان بەرزبەکەنەوە.

لە لایەکی دیکەوە: قایمقامی دوز خورماتوو دەڵێت: "ئێمە داوای یەک سایدمان کردبوو، بەڵام لەبەر پێویستی بەڵێن دەدەین ئەو تیمەی بۆ کەشفکردن دێن، ئێمە کەشفی دوو سایدیان پێ بکەین، تا بە دوو ساید دروست بکرێت".