هەواڵگری ڕووسیا هەوڵی ڕفاندنی مووشەكهاوێژێكی ڕووسی هەڵوەشاندەوە

ئاڤا نیوز

ڕووسیا ڕایگەیاند، ئۆكراینا هەوڵیداوە مووشەكهاوێژێكی ستراتیژی وڵاتەكەی بڕفێنێت و پلانەكەیان هەڵوەشاندووەتەوە.

ئەوەی پێویستە بیزانیت: ئۆكراینا بۆ ئەوەی توانای مووشەكی و شێوازی هەڵدانی ئەو مووشەكانە بزانێت كەڕووسیا ئاڕاستەی كیێڤی دەكات، پلانی داڕشتووە یەكێك لە مووشەكهاوێژە ستراتیژییەكانی ڕووسیا بڕفێنێت، بەڵام هەواڵگریی ڕووسیا پلانەكەی هەڵوەشاندووەتەوە.

ڕاگەیێنراوی فەرمی: هەواڵگری ڕووسیا ڕایگەیاند: پلانەكەی ئۆكراینامان هەڵوەشاندەوە". بە بێ ئەوەی زانیاریی زیاتر لەسەر شێوازی پلانەكە باس بكات.

بۆچوونی لایەنی بەرامبەر: تا ئێستا ئۆكراینا هیچ شتێكی لەسەر ئەم بابەتە نەگوتووە.