لووتكەی ناتۆ دەستپێدەكات و دوو ڕۆژ بەردەوام دەبێت

ئاڤا نیوز

ڕۆژی سێشەممە، كۆبوونەوەی لووتكەی ناتۆ لە واشنتن بەڕێوەدەچێت، سەرۆكی ئۆكرایناش لە كۆبوونەوەكەدا بەشدار دەبێت و شەڕی ڕووسیا و ئۆكراینا تاوتوێ دەكرێت.

وێنە گەورەكە: لە واشنتن 37ەمین لووتكەی ناتۆ بۆ گفتوگۆكردن لەسەر كێشەكانی ڕێكخراوەكە و شەڕی ئۆكراینا و ڕووسیا و ئاڵۆزییەكانی ناوچەكە بەڕێوەدەچێت، هەریەكە لە ژاپۆن کۆریای باشوور، نیوزیلەندا و ئوسترالیا میوانداری دەكرێن.

ئەوەی پێویستە بیزانیت:چین و ڕووسیا لە نزیكەوە چاودێری كۆبوونەوەكانی ناتۆ دەكەن و لە هەر كۆبوونەوەیەكدا نیگەرانی خۆیان لە ناوەڕۆكی كۆبوونەوەكە دەربڕیوە.

زانیاریی بەدەستهاتوو: ناوەڕۆكی كۆبوونەوەكانی ناتۆ بریتییە لە پرسی ئاشتی لە ڕۆژهەڵاتی ناوەڕاست و شەڕی غەززە و بەدوامی پشتیوانییەكان بۆ ئۆكراینا و ڕووبەڕووبوونەوەی هەژموونی چین و ڕووسیا لە ڕۆژهەڵاتی ناوەڕاست و ئاسیا .