هاتوچۆی هەڵەبجە ناونووسین بۆ ژمارە دڵخوازەکان دەستپێدەکات

ئاڤا نیوز

 

بەڕێوەبەرایەتیی هاتوچۆی هەڵەبجە ڕایدەگەیێنێت، ئەو کەسانەی ژمارەی دڵخوازی خۆیان دەوێ، دەتوانن سەردانمان بکەن و ناوەکانیان تۆمار بکەن.

 

ڕاگەیێنراوی فەرمی: بەڕێوەبەرایەتیی هاتووچۆی هەڵەبجە ڕایگەیاند: دوای ڕەزامەندیی وەزارەتی ناوخۆ هاووڵاتیان ئاگادار دەکەینەوە، بەپێی ڕێنمایی ژمارە دووی ساڵی 2022، لە کاتژمێر 9:00ـی بەیانی بۆ کاتژمێر 1:00ـی پاشنیوەڕۆی ڕۆژی 10-7-2024 تاوەکو ڕۆژی 18-7-20124، دەست بە تۆمارکردنی ناوی ئەو کەسانە دەکەین، کە دەیانەوێ ژمارەی دڵخواز بکڕن.

 

ئەمەش بزانە: هاتوچۆی هەڵەبجە ڕێنماییەکانیشی بڵاوکردووەتەوە و دەبێت هاووڵاتی خۆی لە بەڕێوبەرایەتیی هاتوچۆ ئامادە بێت، دەبێت کارتی نیشتمانی یان ناسنامەی باری شارستانی و ڕەگەزنامەی پێ بێت، ئەو کەسەی خوازیاری ناو تۆمارکردنە، پێویستە پێشتر ژمارەی دڵخوازی بەناوی خۆی، یان لەسەر ژمارە  تەلەفۆنی دەرنەچوو بێت.