چۆن دژەخۆر بەکاربهێنین؟ حەوت سوودی هەیە

ئاڤا نیوز

پزیشکان ڕێنماییمان دەکەن هەموو کاتێک دژەخۆر بەکاربهێنین، بەتایبەتی لە وەرزی هاویندا. پێست لە تووشبوون بە شێرپەنجە دەپارێزێت و ناهێڵێت چرچ و لۆچی تێبکەوێت.

شێوازی بەکارهێنان:  30 خولەک پێش ئەوەی لە ماڵ بچیتە دەرەوە، پێویستە دژەخۆرت بەکاربهێنیت، تەنیا بۆ ڕووخسار نا بەڵکو هەموو شوێنێک کە تیشکی خۆری بەردەکەوێت.

زانیاریی زیاتر: پێویستە بە یەکسانی بەسەر هەموو دەمووچاوتی بڵاوبکەیتەوە، تەنانەت لێویشت. لە ڕۆژێکیشدا  چەندجارێک نوێی بکەیتەوە، دەبێت لە هەموو وەرزەکان و تەنانەت لە ماڵەوەش بەکاربهێنرێت.

 
ئەوەی پێوستە بیزانیت: کرێمی دژەخۆر کۆمەڵێک سوودی هەیە، وەک:

1-    کەمکردنەوەی مەترسیی تووشبوون بە شێرپەنجەی پێست.

2-    پاراستن لە تیشکی سەرووی بنەوشەیی زیانبەخش.

3-    کەمکردنەوەی دەرکەوتنی پەڵە لەسەر پێست.

4-    پاراستنی ڕەونەقی پێست.

5-    ڕێگری لە پیربوونی پێشوەختە.

6-    شێدارکردنی پێستی وشک.

7-    پاراستنی لە سووتان بەهۆی تیشکی خۆر.