ئەردۆغان هۆشداری لە هەڵگیرسانی جەنگی نێوان ناتۆ و ڕووسیا دەدات

ئاڤا نیوز 


ڕەجەب تەیب ئەردۆغان، سەرۆککۆماری تورکیا، هۆشداری لە  هەڵگیرسانی جەنگی نێوان ناتۆ و ڕووسیا دەدات و نیگەرانی دەردەبڕێت.

وێنە گەورەکە: لووتکەی ناتۆ بە بەشداریی 32 وڵاتی ئەندام لە 9ی تەممووز لە واشنتنی پایتەختی ئەمریکا دەستیپێکرد، ئیوارەی ئەمڕۆش بە ئامادەبوونی ڤۆلۆدیمیر زێلێنسکی، سەرۆکی ئۆکرانیا کۆتایی پێدەهێنرێت. ناتۆ  بڕیاری دا فڕۆکەی جەنگی و پاتری دژەفڕۆکە وەکو هاوکاری بۆ ئۆکرانیا بنێرێت.

لێدوانی فەرمی: ئەردۆغان لە کۆبوونەوەی لووتکەی 75 ساڵەی ناتۆ لە واشنتن گوتی: ئەگەری سەرهەڵدانی جەنگی نێوان ناتۆ و ڕووسیا جێگەی نیگەرانییە، هەر هۆکارێک ببێتە هۆی سەرهەڵدانی ئەم جەنگە پێویستە ڕێگری لێبکرێت".

بۆچوونی لایەنی بەرامبەر: کرێملین ڕایگەیاند ناتۆ "بەتەواوی تێوەگلاوە" لە ململانێی ئۆکرانیا، بیر لە گرتنبەری ڕێوشوێنی پێویست دەکاتەوە بۆ کۆنتڕۆڵکردنی ئەم "هەڕەشە مەترسیدارە".