چەند ڕێنماییەک بۆ زاڵبوون بەسەر بێزاری لە کاتی کارکردندا

ئاڤا نیوز 

دوای ماوەیەک لە کارکردن، لەوانەیە بەهۆی ژینگەی کارەکەت هەست بە بێزاری بکەیت، بەڵام چەند ڕێگایەک هەیە بۆ زاڵبوون بەسەریدا.

بڵاوکراوەی فەرمی: لیزی کلاسۆن، نووسەر و پسپۆڕی کارگێڕی، بابەتێک لە سایتی کار Linked In بڵاودەکاتەوە، هەموو ئەو هۆکارانە دەخاتە ڕوو کە دەبنە هۆی بێزاری.

ئەوەی پێویستە بیزانیت: بە گوتەی لیزی کلاسۆن بێزاری بەهۆی ئەم هۆکارانەوە ڕوودەدات:
1-    نەبوونی ئازادی لە کارکردن
2-    ڕاهێنانی و گەشەی ناتەواوی کارمەند
3-    خراپی بەرێوەبردن و سەرپەرشتیکردنی کارمەند
4-    قەدر نەزانینی کارمەند و دابین نەکردنی پاداشت بۆی

کاریگەری و لێکەوتەکانی: کاتێک کارمەند هەست بەوە دەکات کە دەرفەتی گەشەکردنی سنووردارە، دەبێتە هۆی ئەوەی دۆپامین لە مێشکیدا کەم بکات، ئەمەش وا دەکات تووشی بێزاری و وەستان بێت.

چارەسەرەکان: ڕێگاکانی زاڵبوون بەسەر بێزاری لە کاردا ئەمانەن:
1-    هەر کە هەستت بە هەستێکی نەرێنی کرد ساتێک بە خۆت بدە تا بیربکەیتەوە
2-    ئەو ئاستەنگانەی لە کارەکەتدا ڕووبەڕووت دەبێتەوە بیکە بە هۆکارێکی پاڵنەر
3-    لەگەڵ کەسێکی متمانە پێکراو قسە بکە تا هەستەکانت لەگەڵی بەش بکەیت
4-    لەگەڵ بەڕێوەبەرەکەت قسە بکە
5-    چەند گۆڕانکارییەکی ئەرێنی بکە
6-    تەرکیز لەسەر تواناکانت بکە