هێمن لهۆنی: گرنگیدان بە گەنجان  یەکێک بووە لە ڕاسپاردەکانی سەرۆکوەزیران

 ئاڤا نیوز  

بەرپرسی ئۆفیسی دەستپێشخەری و پەیوەندییەکانی حکومەتی هەرێمی کوردستان ئاماژە بەوەدەدات، لەماوەی ڕابردوو بە پلانی ورد گەنجانی ئۆفیسەکەیان ڕاهێنانیان بە گەنجان کردووە.

وێنە گەورەکە: چوار هەزار و 200 گەنجی نێوخۆ و دەرەوە، لە خولێکی شەش مانگەی ئۆفیسی دەستپێشخەری و پەیوەندییەکان بەشدار بوون بڕوانامە وەردەگرن، هەروەها یاداشتێکی لێکتێگەیشتن لەگەڵ (قەتەر فاوەندەیشن) واژۆ کرا.

لێدوانی فەرمی: هێمن لهۆنی، ڕاوێژکاری سەرۆکوەزیران بارزانی و بەرپرسی ئۆفیسی دەستپێشخەری و پەیوەندییەکان ڕایگەیاند:"ئەمڕۆ دەست دەکەین بە وەبەرهێنان لە ئەقڵ و بیرکردنەوەدا، قەتەر فاوندەیشن ئەزموونی سەرکەوتووی دەگوازێتەوە بۆ هەرێمی کوردستان و سبەی یەکەم خولی ڕاهێنان دەکاتەوە".

زانیاریی زیاتر:" گرنگیدان بە گەنجان  یەکێک بووە لە ڕاسپاردەی سەرۆکوەزیران بۆ ئێمە". هێمن لهۆنی وای گوت.