ئەردۆغان بۆ یەکێتی: تاوەکو لە پەکەکە دوورنەکەونەوە هەڵوێستمان ناگۆڕێت

ئاڤا نیوز

ئەردۆغان نوێترین هەڵوێستی لەبارەی پەیوەندییەکانی تورکیا لەگەڵ یەکێتی ئاشکرا دەکات و دەڵێت، تاوەکو دەسەڵاتدارانی سلێمانی مەودایەک لە نێوان خۆیان و پەکەکە دانەنێن، هیچ گۆڕانکارییەک لە هەڵوێستیاندا ڕوونادات.

وێنە گەورەکە: ساڵێک و سێ مانگە بەتۆمەتی "هاوکاریکردنی پەکەکە" تورکیا گەشتە ئاسمانییەکانی بۆ فڕۆکەخانەی سلێمانی ڕاگرتووە، لە دوایین هەنگاویشدا بڕیارەکەی بۆ کۆتایی ئەمساڵ درێژکردەوە. ئەم بڕیارەش زیانی ملیۆنان دۆلاری بە پارێزگاکە گەیاندووە.

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: تاوەکو دەسەڵاتدارانی سلێمانی مەودایەک لە نێوان خۆیان و پەکەکە دانەنێن، ئەوا هیچ گۆڕانکارییەک لە هەڵوێستی ئێمە بەدینایەت و گەمارۆی ئاسمانی بەردەوام دەبێت".

لەلایەکی دیکەوە: ئەردۆغان پەیام بۆ بەرپرسانی  یەکێتی دەنێرێت و دەڵێت: "ئێمە گوتوومانە ئەگەر لایەنی سلێمانی هەندێک هەنگاو بگرنەبەر، هەڵسەنگاندن بۆ هەڵوێستمان دەکەین، ئێستا تۆپەکە لە گۆڕەپانی ئەواندایە".