فەڕەنسا مافی کۆچبەری بە هەموو ژنانی ئەفغانستان دەدات

ئاڤا نیوز

لە بڕیارێکی دادوەریدا، دادگەیەکی فەڕەنسا مافی کۆچبەری دەبەخشێتە هەموو ئەو ژنە ئەفغانییانەی لەو وڵاتە کۆچیان کردووە و خۆیان گەیاندووەتە فەڕەنسا.

وێنە گەورەکە: دادگای نیشتیمانیی مافەکانی کۆچبەری لە فەڕەنسا (CNDA) لە فەرمانێکدا ڕایگەیاند، "هەموو ژنانی ئەفغانستان" کە بە هۆکاری ڕەفتاری جیاکارانەی تاڵیبان لەو وڵاتە هەڵهاتوون، دەتوانن مافی کۆچبەری بەدەستبهێنن.

زانیاریی زیاتر: دادگە ژنانی ئەفغانستانی بە "کۆمەڵەیەکی کۆمەڵایەتی" ناساندووە کە تەنیا لەبەرئەوەی ژنن ڕووبەڕووی جیاکاری دەبنەوە، بۆیە تەنیا ژنبوون بەسە بۆ ئەوەی ببێتە پاساوی ئەوان بۆ داوای مافی پەنابەری.