کاردانەوەی سەرکردەکانی جیهان بەرامبەر هەوڵی کوشتنی ترەمپ

ئاڤا نیوز

کاردانەوەکان بەرامبەر بە ڕووداوی تەقەکردن لە ترەمپ بەردەوامن، لە سەر هەردوو ئاستی نێوخۆی ئەمریکا و جیهان پەیامی پشتیوانی بۆ ترەمپ دەنێردرێن.

 

وێنە گەورەکە: پۆلیسی لێکۆڵینەوەی فیدراڵیی ئەمریکا، ئێف بی ئای، ڕووداوی تەقەکردن لە دۆناڵد ترەمپ، سەرۆکی پێشووی ئەمریکا و بەربژێری کۆمارییەکان بۆ سەرۆکایەتی، بە "هەوڵی کوشتن" ناوی دەبات. 

 

پەیامە فەرمییەکان:

 

جۆزێف بۆرێڵ، بەرپرسی سیاسەتی دەرەوەی یەکێتیی ئەوروپا: ئەمە کردەیەکی تووندوتیژیی پەسەندنەکراوە لە دژی نوێنەرایەتیکردنی سیاسی.

 

کیەر ستارمەر، سەرۆکوەزیرانی بەریتانیا: تووندوتیژیی سیاسیی بە هەموو جۆرەکانیەوە لە ناو کۆمەڵگاکانی ئێمەدا شوێنی نییە.

 

ئیمانوێل ماکرۆن، سەرۆکی فەڕەنسا: ئەمە تراژیدیایە بۆ دیموکراسییەکانمان. فەڕەنسا هاوخەمی گەلی ئەمریکایە.

 

ڤیکتۆر ئوربان، سەرۆکوەزیرانی هەنگاریا: لەم ساتە تاریکانەدا، بیر و نزامان لای ترەمپە.

 

جۆرجیا مێلۆنی، سەرۆکوەزیرانی ئیتالیا: لە مانگەکانی داهاتووی کەمپەینی هەڵبژاردنەکاندا، دیالۆگ و بەرپرسیارێتی بە سەر ڕق و تووندوتیژیدا زاڵ دەبێت. 

 

ڤلۆلۆدیمیر زێلێنسکی، سەرۆکی ئۆکراینا: هیچ پاساوێکی بۆ تووندوتیژی لەو جۆرە نییە، نابێت تووندوتیژی زاڵ بێت. 

 

لویز ئیناسیۆ لولا دا سیلڤا، سەرۆکی بەڕازیل: دەبێت هەموو بەرگریکارانی دیموکراسی و دیالۆگی سیاسی ئەمە بە تووندی سەرکۆنە بکەن.

 

نارێندرا مۆدی، سەرۆکوەزیرانی هیندستان: زۆر نیگەرانم بە هێرشکردنە سەر هاوڕێکەم. تووندوتیژی لە ناو سیاسەت و دیموکراسییەکاندا پێگەی نییە. 

 

فومیۆ کیشیدا، سەرۆکوەزیرانی ژاپۆن: دەبێت بە بەهێزی دژی هەموو جۆرەکانی تووندتیژی بوەستینەوە کە ڕووبەڕووی دیموکراسی دەبنەوە. 

 

ئەنتۆنی ئالبانیسی، سەرۆکوەزیرانی ئوسترالیا: ئەمە هێرشە بۆ سەر ئەو بەها دیموکراسییانەی کە ئوسترالییەکان و ئەمریکییەکان تیایدا هاوبەشن. 

 

بنیامین نەتانیاهو، سەرۆکوەزیرانی ئیسرائیل: تووشی شۆک بووین بە ڕووداوەکە و هیوای چاکبوونەوەی خێرا بۆ ترەمپ دەخوازین.