کۆمیسیۆن: وادەی تۆمارکردنی بەربژێرانی پارت و هاوپەیمانێتییەکان درێژناکرێتەوە

ئاڤا نیوز 

 

سبەی وادەی تۆمارکردنی بەربژێرانی پارت و هاوپەیمانێتییەکان بۆ هەڵبژاردنی پەرلەمانی کوردستان کۆتایی دێت و کۆمیسیۆنی باڵای سەربەخۆی هەڵبژاردنەکانی عێراقیش ڕایگەیاند "وادەکە درێژ ناکەینەوە".

 

وێنە گەورەکە: پێشتر کۆمیسیۆنی باڵای هەڵبژاردنەکانی عێراق ماوەی خۆتۆمارکردنی بەربژێرانی پارت و هاوپەیمانێتییەکانی لە 04ـی ئەم مانگە بۆ 15ـی مانگ ڕاگەیاندبوو.

 

ڕاگەیێنراوی فەرمی: کۆمیسیۆنی عێراق ڕایگەیاند: سبەی دووشەممە 15-07-2024 تاوەکو کۆتایی دەوامی فەرمی، دوایین وادە دەبێت بۆ تۆمارکردنی بەربژێرانی پارت و هاوپەیمانێتییەکان بۆ هەڵبژاردنی پەرلەمانی کوردستان.

 

لێدوانی فەرمی: جومانە غەلای، گوتەبێژی کۆمیسیۆنی هەڵبژاردنەکانی عێراق بە ئاڤا نیوزی ڕاگەیاند: "سبەی وادەکە کۆتایی دێت و درێژی ناکەینەوە".

 

ئەوەی پێویستە بیزانیت: دوای چەندینجار لە دواخستنی، دواجار سەرۆکی هەرێمی کوردستان بڕیاری دا لە 20-10-2024 هەڵبژاردنی پەرلەمانی هەرێمی کوردستان بەڕێوەبچێت.