بۆمب لەنێو ئۆتۆمبێل و ماڵی ئەو کەسەی تەقەی لە ترەمپ کرد دۆزرایەوە

ئاڤا نیوز

دەزگا ئەمنییەکانی ئەمریکا، بۆمب و کەرەستەی تەقەمەنی لە نێو ئۆتۆمبێل و ماڵی ئەو کەسەی تەقەی لە ترەمپ کرد، دەدۆزنەوە، میدیاکانی ئەمریکا ئەمەیان ڕاگەیاندووە.

 

وێنە گەورەکە: شەوی ڕابردوو، لە گردبوونەوەی جەماوەری بانگەشەی هەڵبژاردن لە ویلایەتی پێنسلڤانیا، لەلایەن چەکدارێکەوە تەقە لە ترەمپ کرا و بەسووکی بریندار بوو، تەقەکەرەکەش ڕاستەوخۆ کوژرا. 

 

زانیاریی بەدەستهاتوو: بەپێی هەواڵی ڕۆژنامەی وۆڵ ستریت جۆرناڵ، لەنێو ئۆتۆمبڵ و ماڵی ئەو کەسەی دوێنی هەوڵی کوشتنی ترەمپی دا،  بۆمب و کەرەستەی دروستکردنی تەقەمەنی لەلایەن هێزە ئەمنییەکانەوە دۆزراوەتەوە.

 

زانیاریی زیاتر: ئۆتۆمبێلەکەی تۆماس ماتیۆ کرۆکس، ئەو کەسەی تەقەی لە ترەمپ کرد، ڕۆژی شەممە لە نزیک شوێنی گردبوونەوەکەی ترەمپ لە شاری باتلەر لە ویلایەتی پێنسیلڤانیا وەستێنراوە، خۆی شۆفێری کردووە.