شاندێکی باڵای ئەمنیی عێراق گەیشتە سلێمانی

ئاڤا نیوز

 

شاندێکی باڵای ئەمنیی عێراق بە سەرۆکایەتیی قاسم ئەعرەجی، ڕاوێژکاری ئاسایشی نەتەوەیی گەیشتە سلێمانی و بڕیارە لەگەڵ بەرپرسانی ئەمنیی پارێزگاکە کۆببێتەوە.

 

وێنە گەورەکە: بەپێی ڕێنماییەکانی سەرۆکوەزیرانی عێراق ڕۆژی 11ـی تەممووز، شاندێکی ئەمنیی عێراق بەسەرۆکایەتیی قاسم ئەعرەجی ڕاوێژکاری ئاسایشی نەتەوەیی گەیشتە شاری هەولێر. 

 

هۆکارە زانراوەکان: سەردانی شاندە باڵا ئەمنییەکەی عێراق دوای ڕەتکردنەوەی لەشکرکێشییەکانی تورکیا بوو بۆ سەر عێراق، هاوکات بۆ وەرگرتنی هەڵوێستێکی یەکگرتوو بوو لەلایەن حکومەتی عێراق و هەرێمی کوردستان لەسەر ئەو هێرشانە.

 

ڕاگەیێنراوی فەرمی: نووسینەگەی ڕاگەیاندنی قاسم ئەعرەجی ڕایگەیاند: بەپێی ڕێنماییەکانی فەرماندەی گشتیی هێزە چەکدارەکان، قاسم ئەعرەجی، ڕاوێژکاری ئاسایشی نەتەوەیی عێراق بە سەرۆکایەتی شاندێکی باڵای ئەمنی گەیشتە سلێمانی.