دۆسیەی بەهەمیشەییکردنی فەرمانبەرانی گرێبەست ڕەوانەی ئەنجوومەنی ڕاژە دەکرێت

ئاڤا نیوز

ڕێکارەکانی بەهەمیشەیی کردنی فەرمانبەرانی دام و دەزگاکانی حکومەتی هەرێمی کوردستان بەردەوامە، دۆسییەکە ڕەوانەی ئەنجوومەنی ڕاژە کراوە، دوای تەواوبوونی ڕێکارەکان بۆ وەزارەتی دارایی حکومەتی فیدڕال دەنێردرێت.

وێنە گەورەکە: وەزیری دارایی حکومەتی هەرێمی کوردستان لەگەڵ نوێنەرانی فەرمانبەرانی گرێبەست کۆبووەوە  و تیشکی خستە سەر ئەوەی کە لەگەڵ وەزارەتی دارایی حکومەتی فیدراڵ لەسەر هێڵن بۆ تەرخان کردنی دارایی و دیاریکردنی میلاکاتی پێویست لەسەر ئاستی وەزارەت و دام و دەزگا پەیوەندیدارەکان.

ڕاگەیێنراوی فەرمی:  لەبارەی بەهەمیشەییکردنی فەرمانبەرانی گرێبەست لەڕووی یاسایی و کارگێڕی و داراییەوە لیژنەیەک پێکهێنراوە تا بتوانن هاوشێوەی فەرمانبەرانی هەمیشەیی مافەکانیان پارێزراو بێت، دۆسیەکە ڕەوانەی ئەنجوومەنی ڕاژە کراوە بۆ ئەوەی ڕێکارە هونەری و ئیدارییەکان تەواو بکرێت.
لە ڕاگەیێنراوی وەزارەتی دارایی و ئابووری حکومەتی هەرێمی کوردستان واهاتووە.

باکگراوند:ئەنجوومەنی وەزیران لە کۆبووەنەوەی ژمارە 130ـی ئەنجوومەنی وەزیرانی هەرێمی کوردستان، کە 08-05-2024 کرا، ڕێکارەکانی بەهەمیشەییکردنی فەرمانبەرانی گرێبەست گەڵاڵە کرا و لیژنەیەک بۆ بەدواداوچوون لەسەری پێکهێنرا.