کەشتییەکی نەوتهەڵگر لە کەناراوەکانی عوممان وەرگەڕا

ئاڤا نیوز

کەشتییەکی نەوت هەڵگر لە کەناراوەکانی عوممان وەرگەڕا، کە ئاڵای وڵاتای کۆمۆرۆس (جزر القمر)ـی لەسەربوو. 

ڕاگەیێنراوی فەرمی: ناوەندی ئاسایشی دەریایی شانشینی عوممان لە هەژماری فەرمی 'ئێکس' بڵاویکردووەتەوە: ئەو کەشتییە نەوت هەڵگرە لە دووری 25 میلی دەریایی لە باشووری ڕۆژهەڵاتی رەئس مەدرەقە لە ویلایەتی دوقم روویداوە. هەروەها کەشتییەکە ئاڵای کۆماری کۆمۆرۆسی یەکگرتووی لەسەر بووە. 

زانیاریی زیاتر: لایەنی پەیوەست دەستیان بە گەڕان و بەدواداچوون کردووە و تاوەکو ئێستا شانشینی عوممان وردەکاری تەواوی لەبارەی رووداوەکە بڵاونەکردووەتەوە. 

وێنە گەورەکە: ڕۆژانە حووسییەکان لە گەرووی بابولمەندەب هێرش دەکەنە سەر کەشتییە بارهەڵگرەکان. بۆیە بە وردی چاودێری دۆخەکە دەکرێت، کە وەرگەڕانی کەشتییەکە رووداوە یاخود بە ئامانج گیراوە.