مووچەی وەزارەتی کارەبا و پەرلەمان خەرج دەکرێت

ئاڤا نیوز

کێشەی مووچەی وەزارەتی کارەبا و سەرۆکایەتیی پەرلەمان چارەسەر کراوە و بڕیارە ڕۆژی پێجشەممە پارەیان بۆ خەرخ بکرێت.

وێنە گەورەکە: هەفتەی ڕابردوو لیستی مووچەی مانگی شەشی فەرمانبەرانی مەدەنی ڕاگەیێنرا، بەڵام وەزارەتی کارەبا و سەرۆکایەتیی پەرلەمانی تێدا نەبوو، بەهۆی ئەوەی وەزارەتی دارایی عێراق تیبینی لەسەر لیستەکانیان هەبوو،  پارەی بۆیان نەنارد.

 

لێدوانی فەرمی: سەرچاوەیەک لە وەزارەتی دارایی و ئابووریی حکومەتی هەرێمی کوردستان بە ئاڤا نیوزی گوت: "کێشەکەیان چارەسەر کراوە و بڕیاری خەرجکردنی پارەکەیان دراوە،  سبەی چوارشەممە لە عێراق پشووە، بەڵام چاوەڕێین ڕۆژی پێنجشەممە 18-7-2024، پارەیان بۆ بنێردرێت".

زانیاریی زیاتر: لەگەڵ گەیشتنی پارەکە ڕاستەوخۆ دەست بە دابەشکردنی دەکرێت، بەڵام دابەشکردنەکە دەکەوێتە هەفتەی داهاتوو.