وەزارەتی کارەبا: لەسەرهێڵین بۆ چارەسەرکردنی کێشەی مووچەی فەرمانبەرانمان

ئاڤا نیوز

وەزارەتی کارەبا لەبارەی هۆکاری خەرجنەکردنی مووچەی فەرمانبەرانی ڕایدەگەیێنێت، لەگەڵ لایەنە پەیوەندارەكان لەسەر هێڵن بۆ چارەسەركردنی خێرای كێشەکە.

وێنە گەورەکە: ئەمڕۆ سێشەممە لیستی مووچەی مانگی شەشی فەرمانبەرانی مەدەنی ڕاگەیێنرا، بەڵام وەزارەتی کارەبا و سەرۆکایەتیی پەرلەمانی تێدا نەبوو.

زانیاریی تایبەت: هۆکاری خەرجنەکردنی مووچەی وەزارەتی کارەبا بۆ پۆلیسی کارەبا دەگەڕێتەوە، کە ژمارەیان دوو هەزار و 460 فەرمانبەرە، ناویان لەسەر وەزارەتی ناوخۆ بووە، بەڵام مووچەیان لەسەر وەزارەتی کارەبا بووە، ئەمەش لەپێناو خەرجکردنی دەرماڵەی مەترسی بۆیان کە بڕەکەی نزیکەی 100 هەزار دینارە.

ڕاگەیێنراوی فەرمی: پێشتر وەزارەتی کارەبا بە ڕاپۆرتێک لەلایەن هەردوو دیوانی چاودێریی دارایی حکومەتی عێراق و حکومەتی هەرێمی کوردستان ئاگادارکراوەتەوە کە پۆلیسی کارەبا بگەڕێنرێنەوە سەر وەزارەتی ناوخۆ، ئەوانیش کێشەکەیان بە نووسراوی فەرمی چارەسەر کردووە و مووچە و تەواوی شایستە داراییەكانیان لەسەر میلاكی وەزارەتی کارەبا بۆ سەر میلاكی وەزارەتی ناوخۆ گواستووەتەوە. 

ئەمەش بزانە: وەزارەتی دارایی عێراق دەیەوێت وردبینی لە لیستەکە بکات و بۆ ئەم مەبەستە لیژنەیەک لە بەغداوە دەنێرێتە هەولێر.