سێنتکۆم: داعش لە عێراق و سووریا دووبارە خۆی ڕێکدەخاتەوە

ئاڤا نیوز

 

فەرماندەیی ناوەندیی هێزەکانی ئەمریکا دەڵێت، ڕێکخراوی داعش هەوڵ دەدات دووبارە خۆی ڕێکبخاتەوە و بەرەو ئەوە دەچێت لەمساڵدا بەراورد بە ساڵی ڕابردوو هێرشەکانی بۆ دوو هێندە زیاد بکات.

 

وێنە گەورەکە: وێڕای ئەوەی شکستپێهێنانی داعش لە عێراق و سووریا ڕاگەیێنراوە و ئەو ڕێکخراوە دەسەڵاتی بەسەر هیچ ڕووبەڕێکدا نەماوە، بەڵام لە بەشێکی ناوچەکان جموجوڵ و هێرشەکانیان ڕوو لە زیادبوونە.

 

ڕاگەیێنراوی فەرمی: فەرماندەیی ناوەندیی هێزەکانی ئەمریکا (سێنتکۆم) ڕایگەیاند: لە مانگی کانوونی دووەمی ئەمساڵ تاوەکو مانگی حوزەیران ڕێکخراوی داعش 153 هێرشی لە عێراق و سووریا کردووە، واتە داعش نزیک دەبێتەوە لەوەی هێرشەکانی بۆ دوو هێندە زیاد بکات و لە هەوڵی خۆ ڕێکخستنەوەدایە".

 

زانیاریی زیاتر: بە یارمەتیی هێزە ئەمنییەکانی عێراق و هێزەکانی سووریای دیموکرات، لەمساڵدا لە 196 ئۆپەراسیۆن لە دژی داعش لە عێراق و سووریا 44 ئەندامی داعش کوژراون کە هەشتیان سەرکردەی باڵا بوون و 166 کەسیش دەستگیر کراون.