عێراق داوا لە تورکیا دەکات ئاوی زیاتری بۆ بەربداتەوە

ئاڤا نیوز 

 

وەزارەتی سەرچاوەکانی ئاوی عێراق بە فەرمی داوای لە تورکیا کردووە، لەپێناو  زیادکردنی ئاوی خەزنکراوی یەکێک لە بەنداوەکانی، ئاوی زیاتری بۆ بەربداتەوە.

وێنە گەورەكە: لە سەرەتای ئەم مانگە کۆبوونەوەی لیژنەی هەمیشەیی هاوبەشی عێراق و تورکیا تایبەت بە پرسی ئاو لە بەغدا بەڕێوەچوو، ئەویش لەپێناو زیادکردنی هەماهەنگی و هاوکاریی لەبارەی پرسی ئاوەوە.

ئەوەی پێویستە بیزانیت: ئاوی ئەمباری بەنداوی حەدیسە لەسەر ڕووباری فوڕات لە عێراق کەمیکردووە، لەپێناو زیادکردنی حکومەتی عێراق بە فەرمی داوای لە تورکیا کردووە ئاوی زیاتری بۆ بەربداتەوە. 

لێدوانی فەرمی: عەون زیاب، وەزیری سەرچاوەکانی ئاوی عێراق ڕایگەیاند: ڕاپۆرتێک لەبارەی ڕێژەی ئاوی بەنداوی حەدیسە پێشکەشی تورکیا کراوە، ئاوەکەی بەشێوەیەکی بەرچاو کەمیکردووە، بۆیە داوامان لێکردن لە مانگەکانی تەمموز، ئاب و ئەیلول بەردانەوەی ئاو زیاتر بكەن.