جارێكی دیكە ئەمریكا هێرش دەكاتە سەر حوسییەكان

ئاڤا دیجیتاڵ

 ئەمریکا ڕایگەیاند، هێرشیان کردووەتە سەر چوار بەلەمی بۆمبڕێژکراو و حەوت مووشەکی کرووز کە لەلایەن حووسییەکانەوە ئامادەکرابوو کەشتییەکانی دەریای سووری پێ بکرێتە ئامانج.

ڕاگەیێنراوی فەرمی: فەرماندەیی ناوەندیی ئەمریکا "سێنتکۆم" ڕایگەیاند: ئەو بەلەم و مووشەکانە لە چەند ناوچەیەکی یەمەن جێگیرکرابوون و هەڕەشەیەکی چاوەڕوان کراو بوون.

باکگراوند: پێشتر سوپای ئەمریکا ڕایگەیاندبوو شەوی چوارشەممە چەند پێگەیەکی حووسییەکانیان کردووەتە ئامانج کە خۆیان ئامادەکردبوو بۆ هاویشتنی مووشەک، ئەوەش لەکاتێکدایەو لە 19 ی تشرینی دووەمی ڕابردووەوە حووسییەکان دەیان هێرشیان کردووەتە سەر کەشتییە بازرگانییەکان لە دەریای سوور و دەریای عەرەب بەپاساوی ئەوەی پەیوەندییان بە ئیسرائیلەوە هەیە، ئەوەشیان وەک پشتیوانییەک بۆ چەکدارانی حەماس لە غەززە ئەنجامداوە کە لە حەوتی ئۆکتۆبەری ساڵی ڕابردووەوە لە شەڕدان لەگەڵ ئیسرائیل.