چەند ڕێنماییەک بۆ قوتابییانی پۆلی 12 و خێزانەکانیان

ئاڤا نیوز  

پسپۆرانی دەروونی چەند ڕێنماییەک بۆ قوتابیانی پۆلی 12 و خێزانەکانیان دەخەنەڕوو، ئەگەر هاتوو نەیانتوانی دەربچن یاخود نمرەی تەواو بهێنن.

چیرۆکی سەرەکی: وەزارەتی پەروەردەی هەرێمی کوردستان کاتژمێر 08:00ی ئەمڕۆ هەینی ئەنجامی تاقیکردنەوەکانی پۆلی 12ی ئامادەیی ڕادەگەیێنێت.

لێدوانی فەرمی: هیوا عەبدولعەزیز، پسپۆڕی دەروونی بە ئاڤا نیوزی گوت: "ئەگەر دەرنەچوویت خەم و خەفەتی ناوێت، دەزانین هەموو هەوڵێکی خۆت داوە، خەم خواردن هیچ لە دۆخەکە ناگۆڕێت و کاتی ئەوەیە باشتر خۆت ئامادە بکەیت".

ئەوەی پێوستە بیزانیت: ڕێنماییەکان ئەگەر دەرنەچوویت یاخود نمرەی تەواوت نەهێنا:

1-    بیر لە بژارەی دیکە بکەوە؛

ئەگەر لە خولی یەکەم دەرنەچوویت، هێشتا دەرفەتت ماوە بۆ ئەوەی لە خولی دووەم دەربچیت. 

2-دەرنەچوونت، ئەزموونە و دواجار لەبیری دەکەیت، باشترین کار ئەوەیە، قبووڵی بکەیت و دووبارە دەستپێبکەیتەوە.

3-    بۆ دایکان و باوکان؛

نەکەن ئەو هەڵەیە بکەن و منداڵەکانتان بە هاوڕێکانی بەراورد بکەن، پشتی بگرە و دڵنەوایی بکە، بۆ ئەوەی بێهیوا نەبێت.

4-    بیرت بێ دۆخەکە کاتییە؛

ئامانجەکانت لە بیر بێ و دۆخەکەت کاتییە، بۆیە بەهێزترت دەکات و ئومێدت پێ دەدات بۆ ئەوەی بەرگە بگریت.