گرفتە ئەلیکترۆنییەکە فراوانتر دەبێت

ئاڤا نیوز

دوای درووستبوونی کێشەی ئەلیکترۆنی لە ژمارەیەکی زۆر لە کەرت و دامەزراوە جیهانییەکان، کێشەکە بەردەوامە و فراوانتر بووە.

وێنە گەورەکە: گرفت و کەموکوڕییەکانی سیستەمی مایکرۆسۆفت لە بەشی ئەلکترۆنیی دامەزراوەکان زیاتر بووە. بەم هۆیەشەوە کەرتەکانی وەک فڕۆکەوانی، بانک، تەندرووستی و بازاڕەکان ڕووبەڕووی گرفت بوونەتەوە.

زانیاریی زیاتر: ژمارەی پەیوەندیی بواری لەناکاو لە ویلایەتی ئالاسکای ئەمریکا (911) کێشەی تێکەوتووە و لە کار کەوتووە، زنجیرە مارکێتەکانی مۆریسۆنز لە بەریتانیا لە کار کەوتوون، هەر لە بەریتانیا دەستگەیشتنی پزیشکەکان بە سیستەمی ڕەچەتە لەکار کەوتووە. 

لە لایەکی دیکەوە: سیستەمی ئۆڵۆمپیادی پاریس کەوتووەتە ژێر کاریگەریی ئەم کێشەیەوە و گرفتەکە چالاکیی کۆمپیوتەرەکانی گرتووەتەوە.