دەیان تاقیگەی پشكنینی پزیشكی لە هەولێر داخران

ئاڤا نیوز

لیژنەیەكی بەشی تاقیگە لە تەندروستی هەولێر، سەردانی دەیان تاقیگەی پشكنینی نەخۆشییان كردووە، لەئەنجامی گەڕانەكانیان 45 تاقیگەیان داخستووە و سزا داوە.

وێنە گەورەكە: لە هەرێمی كوردستان كردنەوەی تاقیگەی پشكنینی نەخۆشی بەپێی ڕێنمایی تایبەتی وەزارەتی تەندروستی بە ستاندارد و مەرج دەكرێنەوە.

ڕاگەیێنراوی فەرمی: بەشی تاقیگەی بەڕێوەبەرایەتی تەندروستی هەولێر سەردانی كتوپڕی چەندین تاقیگەی تایبەتی ناو شاری هەولێریان كردووە، 24 تاقیگەیان بەهۆی دۆزینەوەی دەرمانی ماوەبەسەرچوو و نەبوونی مۆڵەتی كاركردن داخستووە، 21 تاقیگەش بەهۆی جێبەجێنەكردنی ڕێنماییەكان داخران و پێبژاردنیان بۆ كراوە.

هۆكارە زانراوەكان: بەگوێرەی ڕاپۆرتە زانستییەكان، كاتێك دەرمانی بەسەرچووی پزیشكی بۆ كاری تاقیگە بەكاردێت، هیچ ئەنجامێكی دروست لەبارەی نەخۆشی نادات، چونكە دەرمانەكە كاریگەرییەكانی لە دەستداوە.

ئەوەی پێویستە بیزانیت: لیژنەیەكی تاقیگەیی لە بەڕێوەبەرایەتی گشتی تەندروستی هەولێر هەیە، لەناكاو سەردانی تاقیگە و سەنتەرەكانی پشكنینی نەخۆش دەكات.