سەرۆککۆمار دەچێتە نەجەف و سیستانی نایبینێت

ئاڤا دیجیتاڵ

سەرۆککۆماری عێراق سەردانی نەجەفی کرد بەبێ ئەوەی عەلی سیستانی، مەرجەعی باڵای شیعەکانی عێراق ببینێت، هەرچەندە داوای دیداریشی کردبوو.

چیرۆکی سەرەکی: رۆژی پێنجشەممە د. لەتیف ڕەشید، سەرۆککۆماری عێراق بە سەردانێک چووە پارێزگای نەجەف بۆ کردنەوەی پێشانگای کتێب. داوای کردووە هەر لەو سەردانەدا عەلی سیستانی، مەرجەعی باڵای شیعەکانی عێراق و چەند مەرجەعێکی دیکەش ببینێت.

 

زانیاریی تایبەت: هەرچەندە سەرۆککۆمار داوای دانیشتنی کردووە، بەڵام عەلی سیستانی ئامادە نەبووە پێشوازیی لە سەرۆککۆمار و هیچ سیاسییەکی دیکەی عێراق بکات.
 

ناوەڕۆکی بابەتەکە: لەو سەردانەدا بۆ نەجەف، سەرۆککۆمار لەگەڵ هەردوو مەرجەع (شێخ ئیسحاق فەییاز) و (شێخ بەشیر نەجەفی) کۆبووەوە، کە هەردووکیان دوو مەرجەعی دیاری شیعەکانی عێراقن.

 

راگەیێراوی فەرمی: سەرۆکایەتیی کۆماری عێراق بڵاویکردووەتەوە، لە هەردوو کۆبوونەوەکەدا لەگەڵ شێخ ئیسحاق فەییاز و شێخ بەشیر نەجەفی، جەختکراوەتەوە لە رۆڵی مەرجەعییەت لە یەکڕیزیی نێوان گەلانی عێراق و هەوڵدان بۆ بەرقەرارکردنی ئاشتی و ئاسایش لە وڵات و خزمەتکردنی زیاتری هاووڵاتیان.

 

شێخ ئیسحاق فەییاز و  د. لەتیف ڕەشید، سەرۆککۆماری عێراق