15 جۆری ئاژەڵ و زیندەوەر لە عێراق هەڕەشەی لەنێوچوونیان لەسەرە

ئاڤا نیوز 

 

ناوەندێکی ستراتیژیی لە عێراق ڕایدەگەیێنێت، بەهۆی گۆڕانکارییەکانی کەشوهەوا چەندین جۆر ئاژەڵی کێوی و ئاوی و  زیندەوەر هەڕەشەی لەنێوچوونیان لەسەرە.

 

وێنە گەورەکە: بەپێی داتاکانی ناوەندی عێراقی بۆپاراستنی ژینگە: "بەهۆی بە بیابانبوون و وشکەساڵییەوە ساڵانە عێراق 400 هەزار دۆنم زه‌وی كشتوكاڵی لەدەست دەدات".

 

لێدوانی فەرمی: فازڵ غەراوی، سەرۆکی ناوەندەکە ڕایگەیاند: عێراق لەنێو وڵاتانی عەرەبی پلەی پێنجەمی گرتووە لە ژمارەی ئەو ئاژەڵانەی کە هەڕەشەی لەنێوچوونیان لەسەرە، لەوانەش: ئاسک، سەگی ئاوی، ماسی فورات، بزنە کێوی، بولبولی ڕوومەت سپی، سمۆرەی ئاوی، جورج، ماسی کوێر، پڵنگ، سیسارک، مارە مەڕمەڕییەکان و مارە قۆچدارەکان.

 

هۆکارە زانراوەکان: دیارترین هۆکارەکان، گۆڕانەکانی کەشوهەوا، زریانی خۆڵ، بە بیانانبوون، وشکەساڵی، چالاکی مرۆیی،  زیادەڕۆیی لە ڕاوکردن، ئاگرکەوتنەوەکان و نەهێشتنی دارستانەکانە.

 

ئەمەش بزانە: بەپێی داتاکانی کۆمپانیای "ئای کیو ئایەر"ـی سویسری، لە ساڵی 2023 لە دوای وڵاتی چاد، عێراق دووەم پیسترین هەوای هەیە لە جیهاندا.