بۆ هەڵبژاردنی کوردستان 139 لیست و بەربژێری سەربەخۆ تۆمارکراون

ئاڤا نیوز

کۆمیسیۆنی هەڵبژاردنەکانی عێراق ئاماری کۆتایی لیست و و هاوپەیمانێتی و بەربژێرە سەربەخۆکانی بۆ بەشداریکردن لە خولی شەشەمی پەرلەمانی کوردستان ڕاگەیاند.

وێنە گەورەکە: 90 ڕۆژ لەبەردەم کۆمیسیۆنی هەڵبژاردنەکانی عێراق ماوە ئامادەکارییەکان بۆ هەڵبژاردنی کوردستان تەواو بکات، تاوەکو ناوەڕاستی مانگی داهاتووش تیروپشک بۆ ژمارەی لیست و بەربژێرە نوێیەکان دەکرێت.

لێدوانی فەرمی: جومانە غەلای، گوتەبێژی کۆمیسیۆن بە ئاڤا نیوزی گوت، "دوو هاوپەیمانی و 13 حیزب و 124 بەربژێری سەربەخۆ تۆمارکراون".

زانیاریی زیاتر: 85 کەس بە سەربەخۆ خۆیان تۆمار کردووە،. جگە لەوە 39 بەربژێری پێکهاتەکان لە سێ بازنە کێىڕکێ لەسەر بەدەستهێنانی پێنج کورسی دەکەن.

ژمارەکان وادەڵێن: 19 بەربژێری پێکهاتەی کریستیان بەمشێوەیە بەسەر پارێزگاکان دابەش بوون:-

هەولێر: 7 بەربژێر 

دهۆک: 8 بەربژێر

سلێمانی: 4 بەربژێر.

هاوکات 20 بەربژێری پێکهاتەی تورکومان لە هەولێر و سلێمانی هەن، هەولێر 14 بەربژێر و سلێمانی 6 بەربژێر.