زاخۆ؛ چوار پرۆژە ب نزیکی ٢٠ ملیار دیناران چوونە د وارێ بجهئینانێ دا

ئاڤا دیجیتال

ب کوژمێ نزیکی ٢٠ ملیار دیناران بەرێ بنیاتی بۆ چوار پروژەیێن خزمەتگوزاری ل سنوورێ ناحیا زرگارى یا سەر ب ئیدارا سەربەخوەیا زاخۆڤە هاتنە دانان.

چیرۆکا سەرەکی: ل دەستپێکا سالا نوی ل زاخۆ بەرێ بنیاتی پرۆژەیێن نوێژەنکرنا دێرا مارگۆرگیس، هۆلال لالش یا ئێزدیان، نوێژەنکرنا کانیا دێرەبوونێ و چێکرنا زالگەها ئیدارا سەربەخۆ یا زاخۆ هاتە دانان.

داخویانیا فەرمی: گۆهدار شێخۆ، سەرپەرشتێ ئیدارا سەربەخۆیا زاخۆ ل ناحیا راگەهاند؛ د ئەڤسالە دا ئەڤ پرۆژەیە دێ کەڤنە د خزمەتا خەلکێ هەمی پێکهاتەیێن دەڤەرێ دا کو حکومەتا هەرێما کوردستانێ 18,86285000 دینار بۆ دابینکرینە.

ئەوا پێدڤیە بزانی: ناحيا رزگارى 25 کلم دویری سەنتەرێ زاخۆیە و ب پێکڤەژیانا پێکهاتەیێن ئاینی یێن جودا دهێتە نیاسین، موسلمان و ئێزدى و کرستیان ب هەڤرا دژین.

باگرەوەند: کابینەیا نەهێ یا حکومەتا هەرێما کوردستانێ گرنگیەکا تایبەت دایە زاخۆ و پشتی بوویە ئیدرا سەربەخۆ، چەندین پرۆژەیێن بەرچاڤ هاتینە بجهئینان.