ئەمساڵ "زۆرترین" بڕی گەنم لە مێژووی عێراقدا وەرگیراوە

ئاڤا نیوز

 

کۆتایی بە پرۆسەی بەبازاڕکردنی گەنمی جووتیاران هات و حکومەتی عێراق ڕایگەیاند کە ئەمساڵ زۆرترین بڕی گەنمی لە مێژووی خۆیدا وەرگرتووە.

 

وێنە گەورەکە: پرۆسەی وەرگرتنی گەنمی جووتیاران سێ مانگی خایاند و ئەمساڵ عێراق ژمارەی پێوانەیی تۆمارکرد و گەیشتە ئاستی پڕکردنەوەی پێویستی ناوخۆیی.

 

لێدوانی فەرمی: حەیدەر گەرعاوی، بەڕێوەبەری کۆمپانیای گشتیی بەبازاڕیکردنی گەنمی عێراق ڕایگەیاند، ئەمساڵ قەبارەی گەنمی وەرگیراو گەیشتە شەش ملیۆن و 302 هەزار تۆن، ئەمە سەرکەوتووترین وەرزی گەنمە لە مێژووی عێراقدا".

 

زانیاریی زیاتر: حەیدەر گەرعاوی ئەوەشی گوت، عێراق گەیشتووە ئاستی خۆبژێوی و بۆ ماوەی سێ مانگ گەنمی خەزێنکراوی ستراتیژی عەمبار کراون و ملیۆن و نیو تۆن لە ڕێژەی پێویست زیادیکردووە.

 

ئەوەی پێویستە بیزانیت: عێراق ئەو بڕە گەنمەی زیادە هەناردەی دەرەوەی دەکات و بەشێکی بۆ بەرهەمهێنانی ئارد بەکاردێنێت.