داوا لە بایدن دەكرێت پشكنینی بیرچوونەوە بكات

ئاڤا دیجیتاڵ

دوای هەڵەی بەردەوام و یەک بەدوای یەکی جۆ بایدن، سەرۆکی ئەمریکا، پسپۆڕان و پزیشکان داوای لێ دەکەن پشکنینی نەخۆشی لەبیرچوونەوە ئەنجام بدات.

وێنە گەورەکە: ماوەی دوو ساڵ زیاترە "هاووڵاتییان، شارەزایان، رەخنەگران، سەرکردەکان و سیاسەتمەندارانی ئەمریکا" گلەیی و گازندە و رەخنەیەکی زۆریان ئاراستەی جۆ بایدن کردووە سەبارەت بەو هەموو هەڵەیەی لە کۆنگرە ڕۆژنامەوانییەکان و لێدوانەکانی دەیكات، بەوهۆیەوە پزیشکان داوای لێدەکەن پشکنینی نەخۆشی لەبیرچوونەوە ئەنجام بدات.

ئەوەی ئێستا ڕوودەدات: بایدن سەرەڕای ئەو هەموو هەڵەیەی دەیکات و هەموو ئەو رەخنانەی لێی دەگیرێت، دووبارە خۆی بۆ پۆستی سەرۆکایەتی ئەمریکا کاندید کردووەتەوە، هەرچەندە زۆرێک لە ئەمریکییەکان هاوڕان لەسەر ئەوەی تەمەنی گەورەیە و ناتوانێت لە خوولی دووەمدا ببێتە سەرۆکێکی کاریگەر.

لێدوانی فەرمی: وەزارەتی دادی ئەمریکا ڕایگەیاند، پرسیاری ڕژدی لەبارەی تەندروستیی بایدنەوە وروژاندووە، بەمەش بەشێکی زۆر پزیشکان هاتوونەتەسەر هێڵ بۆ ئەوەی شیکاریی بکەن، بایدن لەڕووی تەندروستی و هزرییەوە چی بەسەر هاتووە.

پزیشکەکان داوایان لە بایدن کردووە پشکنینی تەندروستیی و هزریی ئەنجام بدات بۆ ئەوەی بیسەلمێنێت کە شیاوی خزمەت و خۆکاندید کردنەوەیە.

گۆشەیەکی دیکەی دیمەنەکە: هۆکاری ئەوەی پزیشکان پێداگریی دەکەن لەسەر ئەوەی پێویستە بایدن پشکنینی لەبیرچوونەوە ئەنجام بدات، بۆ ئەوە دەیگەڕێننەوە هەڵەی زۆر زەق و شەرمەزاركەر ئەنجام دەدات، لە دوایین کۆنگرەدا عەبدولفەتاح سیسی، سەرۆکی میسری وەک سەرۆکی مەکسیک ناساند و گوتی  "سیسی سەرۆکی مەکسیک".

کاریگەریی و لێکەوتەکانی: دۆناڵد ترەمپ، سەرۆکی پێشووی ئەمریکا، یەکێکە لە کاندیدە بەهێزەکان بۆ سەرۆکایەتیی ئەمریکا لە کاتێکدا کە بانگەشەی هەڵبژاردن دەستیپێکردووە، ترەمپ ئەو لاوازییەی بایدن لە بانگەشەکەیدا بەکاردەهێنێت و سوودی لەو دۆخە وەرگرتووە کە بایدنی تێکەوتووە و بەردەوام پزیشکان داوای لێ دەکەن پشکنین لەبارەی تەندروستی، مێشک و هزریییەوە بكات.