دوای دوو ساڵ لە قەدەغەکردنی چاندنی برنج دەستپێدەکاتەوە

ئاڤا نیوز

عێراق رێگە بە چاندنی چەڵتووکی برنج دەکاتەوە، لە کاتێکدا بەهۆی کەمیی ئاو ماوەی دوو ساڵە ڕێگە بە جوتیاران نەدەدرا برنج بچێنن و چاندنی قەدەغەکرابوو.

هۆکارە سەرەکییەکان: ئێستا تەرزێکی نوێی برنج لە عێراق ئامادەکراوە بۆ چاندن، کە ئاوی کەمتری پێویستە، هەروەها بەراورد بە دوو ساڵی رابردوو، ئاستی ئاو لە عێڕاق بە ڕێژەیەکەی زۆر کەم زیادیکردووە.

لێدوانی فەرمی: مەهدی سەهەر جبووری، بریکاری وەزارەتی بازرگانی عێراق بۆ ئاژانسی رۆیتەرز ئاشکرای کردووە، 150 کیلۆمەتر دووجا بۆ کشتوکاڵی برنج لەم وەرزەدا تەرخانکراوە، پێشبینی دەکەن 150 هەزار تۆن بەرهەمی هەبێت. ئاماژەی بەوەشدا، بەهۆی زیاد باران بارین لە وەرزی زستاندا و دروستبوونی لافاو هەروەها بەڵێنەکانی تورکیا بۆ بەردانەوەی ئاوی زیاتر، ئاستی ئاو لە عێراق زیاد دەکات.

ئەوەی پێویستە بیزانیت: بەهۆی قەیرانی ئاوەوە ماوەی دوو ساڵە بەرهەمهێنانی برنج لە عێراق قەدەغەکراوە، تەنیا  پێنج تاوەکو 10 کیلۆمەتر دووجا بە برنج دادەچێنرا، ئەویش بە ئامانجی بەرهەمهێنانی بنەتۆو. 

وێنە گەورەكە: عێراق یەکێکە لە 10 هاوردەکاری سەرەکی برنج لەسەر ئاستی جیهان. بە گوتەی پەرلەمانتارێک، ئەمساڵ عێراق پێوسیتی بە هاوردەکردنی ملیۆنێک و 250 هەزار تۆن برنجە.